新加坡+柬埔寨之旅 Day 7

25/3/2008　(Tue)
Hold咗咁耐，終於下定決心要寫埋佢啦。最後一日，基本上無行程，十分之八嘅時間都係搭飛機。晨早起身去機場，臨走前再係guesthouse影返d相：
依個細路13歲，好乖好肯幫手：

自助BBQ的地方，US$3.5一位，餐餐都係出面食，都無機會試：

真正嘅prince mekong villa：

我架單車係2號，之前一晚還咗，依朝又俾人借咗囉：

每朝食早餐的地方：

Kapouv車我去機場，比晒我用剩嘅嘢同錢佢，佢非常之開心，比埋佢張卡片我，叫我下次要搵佢。卡片：

暹粒機場都幾靚，依度係離境大堂：

候機室：

好豪華嘅精品店，我都買咗樽Kampot Pepper(US$3)：

本來諗住搭依架幾靚嘅巴士去停機坪：

點知果朝得一班機，泊到最近，所以係行出去：

機場環境都幾靚：


再次到達新加坡機場：

其實距離轉機時間得返唔係好多，所以無出到去，係機場行下。係T1員工canteen食咗個海南雞飯(S$2.5)，仲打包咗個第二日lunch食tim：


個身得返S$2.35，行去超市睇下仲有咩可以買，就買左支杏仁水(S$1.75)同依支雪條(S$0.6)：


最後一程機返澳門，依個係南海的天空：


澳門嘅行程唔寫啦，本來諗住去賭場贏返d旅費，但有咁多行李佢要我登記放低先俾我入去，就無入到去，做返d食魚皮角同買手信嘅例牌動作就返香港啦。

－－－旅程完結－－－

新加坡+柬埔寨之旅 Day 6

24/3/2008　(Mon)
依日係最後一日嘅行程，之前又睇左兩日日出，今日就決定瞓耐少少，遲d先出發。食早餐嘅時候就同依兩個馬拉人影左張相，之前同佢地吹咗好耐水，佢兩個只係係暹粒停左前後三日。
左邊係kenneth, 右邊係chong：

依支係我日日都飲幾支嘅水，價錢大約R$2000：

去Beng Mealea(崩密列)嘅途中，依架小意科，後尾見到架d木搭高一倍：

崩密列入場費US$5，入面咁細，其實都幾貴，不過又真係靚嘅。不過依度嘅護衛員都幾古惑，佢會guide你行，之後會問你收錢，一開價US$2，最後俾左R$2000打發咗佢走。好，睇相：

其實入面全部都係亂石堆，要係d石上面行：









係入面行左大約一個鐘多d就走人啦，跟住去Roluos Group(羅洛斯遺址)。又係途中見到有人運貨，不過今次係電單車運電單車，好搞笑：

羅洛斯遺址第一境點Lolei(洛雷寺)，依度仲有僧人住緊係度㗎，不過係隔離果間現代寺廟：

依個僧人如果唔係著住伽紗，我完全唔會覺得佢係出家人囉：

修茸中嘅關係，依個景點唔係咁靚：





今日司機著咗mutu，原來佢係車仔嘅fans：

成個吳哥窟嘅最後一站，Bakong(巴孔寺)，入面雖然同小吳哥有d似，但環境清幽好多，入面嘅小朋友唔會叫你買嘢，只係問你有咩唔要，例如空樽果d俾佢地，而家仲會送d白蘭花俾你：





本來嘅行程係去埋floating village，但我未試過日光日白係市中心，同埋仲想行吓市場同做吓spa或者massage，所以都係無去，去左pub street食嘢，開頭入咗一間幾靚，司機話唔抵食：

跟住去咗soup dragon：


叫咗個類似扎肉湯河(US$2.5)同Amok chicken(US$4)，個湯河有些少似冬蔭功，對我嚟講麻麻，但司機話好好，我反而覺得個Amok真係好味：


其實同金邊嘅市場都有d似，但物價比較貴囉：

你夠唔夠膽食?我今次選擇左放棄：

依個妹妹精通流利嘅柬語、英語、日語、國語，同佢講價講左半個鐘又拉住我唔俾我走，最後都同佢買左幾條scaft(US$6.5)同幾個袋(US7.5)：

其實依間先係我住嘅guesthouse，因為prince mekong villa無晒房，就過左隔離嘅依度瞓：

依間先係真正嘅prince mekong villa，我食早餐同攞單車都係依度：

沖完涼再出返市中心做massage(US$6)一個鐘，成個人爽晒，果嘢lock腰簡直無得彈。跟住再問下當地人有咩等產，佢地叫我去市場嘅另一邊買依d類似咸魚嘅嘢，我都買左些少返香港俾媽媽煮，可惜佢到而家都仲未煮嚟食：


個媽媽老板好醒咩問我係邊度嚟，一聽到香港就包到好密實，放心，係d魚而唔係個人，佢個女都好乖，總共買左US$9.5：

夜晚放棄咗去Red Piano，嚟咗由司機介紹嘅地道d嘢柬埔寨燒烤：



口味又係唔多啱，好多香草，不過當地人一邊食一邊隊啤，睇佢地好似好爽咁：

不過食完飽飽地都係返大排檔，原本飽飽地只係諗住飲杯奶昔算，但後來諗下食過炒麵，食過炒菜，無理由唔食乜炒飯㗎，縱使飽都食埋佢。依個係老板：

老板個女，好乖女，日頭返學，夜晚幫手：

牛肉炒飯(US$1)，都仲係好好味：

芒果奶昔(R$2000)：

食完仲影左張合照，我仲同老板同佢個女影咗張相，右手邊果個係keith，佢一個人係泰國踩單車過嚟，仲打算係東南亞踩多個幾月，佢好勁㗎，係網上面會搵到佢嘅成績㗎：

臨走一晚同guesthuse嘅人影相，依個係operator Mr. Erich：

依個係佢嘅好幫手Swang，佢而家仲儲緊錢，下個月會再去夜校讀書：