宿霧之旅 Day 4

6/10/2008　(Mon)
九點鐘落咗樓下餐廳食早餐，個早餐不賴，雖然唔太多款式，但ｄ嘢幾好食，又有專人整炒蛋/煎蛋/奄列，US$65一晚仲要包早餐，算係咁啦。環境都唔錯：

幾好味嘅早餐：

點解會有依張合照呢?!

話說果兩位其實Day 1係碼頭已經撞到，傾過兩句偈咁啦，同一班機嚟，同一班機走。跟住我地學潛水果時，佢地第一晚已經住lost horizon，仲見到我地學潛水。夜晚又係海鮮檔撞到，又介紹我地去食燒雞，仲交流咗出海同day tour嘅資料，原來佢地第二日會租tuk tuk車上朱古力山。到第二日我地去朱古力山果時，都經常討論佢地坐tuk tuk車會唔會好辛苦，點知食完飯返到lost horizon再見返佢兩個果時，一個包晒蹦帶，一個爆頭，原來佢地上朱古力山途中炒車，乜都去唔到，係幫襯咗間醫院。佢地打算出返cebu醫院再check下，咪俾咗間酒店名同地址佢地，有咩事有個照應囉。好彩食早餐見到佢兩個都無乜嘢囉。(啱啱發現，原來佢地都係Travellife嘅網民!!)
食完早餐返房瞓咗一陣，vincent就上咗酒店38樓瞭望層影相，宿霧市：

尋晚見到嘅圓環：

食完早餐check-out完，就叫酒店截兩架的士去SM Cebu。今次大鑊啦，無打錶，後面架車話跟前面個錶，前面架車話跟後面，落車佢話P$300，佢都傻嘅，路程係去lighthouse多一倍度，最多咪P$150兩架車。俾咗P$1500佢地，仲叫我地要車call佢喎，無病呀?!入到SM Cebu，真係好大：



問咗人係邊度寄存行李，放低晒後出發去supermarket！依個係supermarket入面個foodcourt，CNT Lechon嘅乳豬超好食：


一入supermarket係一個芒果園，～P$100有6隻啦，真係好甜好正：

本來預定一個鐘，結果係入面玩咗個半鐘。事緣係我地去果時無7D牌芒果乾，得宿霧牌，到差唔多俾錢佢refill返d 7D，結果又搞左一陣。阿媽推介嘅zesto 青檸汁又無packed裝，係咁叫佢係雪櫃搵散裝俾我，佢又要整亂晒由頭排過，都有ｄ唔好意思。收銀會幫你pack埋箱，結果每人都豐收而回，自己買左三千幾披索啦：

超市仲可以寄存埋戰利品，寄倉後就搭巴士去宿霧市一日遊嘅第一站－聖彼德堡(Fort San Pedro)。商場出面嘅巴士站，再講多次，都係bohol嘅巴士靚ｄ:


我地搭12I去pier area，每位P$8：

我係度問緊司機幾多錢，原來車上面係有價目表的：



巴士上合照：

其他巴士，Colon我地都會去的：

去到Pier 1附近落車，已經經過咗兩次，都熟路，行咗五分鐘就到咗啦，入場費P$21@：


個城堡係由古老嘅珊瑚石做成，歷史唔講啦：

歷中遺留落嚟嘅炮台：

行我地去果陣見到間郵局，就突發奇想係入面間鋪頭買兩張postcard(P$25@)寄俾彭小姐同黃金球，郵票(P$14@)，寄到返嚟張postcard係無chop的，唔知唔貼郵票得唔得呢！郵局：

郵票同彭小姐嘅postcard：

郵局出面唔知點解有個籃球架：

跟住行咗五至十分鐘到麥哲侖十字架(The Cross of Magellan)：



十字架隔離就係聖嬰大教堂(Basilica Minore de Santo Nino)，天主教都好似佛教咁燒香，唔係，係燒蠟燭拜神：

聖嬰大教堂，入面個聖嬰木像勁多善眾排隊摸一摸：


ｄ善信對住依個耶蘇像祈禱會喊晒咁ga：

其實大家係超市買完嘢都未食lunch，行完教堂五點幾終於都肚餓啦，就過左對面超群再食，無錯，又係超群呀，係繼jollibee後見得最多嘅店鋪。試下當地嘅中式嘢，雜錦拼盤：

炸雞飯：

牛腩麵：

勁辣炒飯：

再食halo-halo，白色個雪糕球係芝士味，唔好味的：

依串好似魚旦嘅物體好多當地人食，我地問佢幾錢，佢諗一陣先答我地P$30，我地唔會中計嘅。食緊超群果時阿釧問咗門口個security，原來只係P$6。最後我大條道理行埋去叫佢俾一串同俾P$6佢，結果係唔好食的：


跟住行咗去colon street，佢六點開始會有個night market，我地都買左隻燒雞(P$180)。

亦因為依個market，令ｄ巴士改晒路，足足行左兩條街先搵到車返SM Cebu。係行嘅途中見到幾間戲院一齊，果然係物以類聚。巴士同司機叔叔：

如果想落車，敲佢車頂司機就會即停ga啦。返到去SM Cebu間CNT Lechon買燒豬(P$375/kg)，仲打包咗ｄ返香港：

係Foodcourt買咗好多嘢食，作為最後的晚餐，依餐唔記得幾錢。thristy嘅shake係好好飲，但佢落幾匙糖的。食前：

食後：

攞返晒行李原本搭的士去機場，其實有個司機勾搭我地，最後P$500坐van去機場啦，比搭的士稍貴。去到機場無買雪糕啦，貴超市太多，P$820/3.x kg，但超市只係賣緊P$3xx-4xx。係宿霧嘅最後大合照：

入閘後過左關大鑊啦，原來青檸，芒果同燒豬唔記得寄倉，過行李俾佢部X-ray睇到，要我地即場食晒佢，出面check-in counter又收咗喎。最後係大家嘅掩護下，最後都只係食左一隻芒果同食剩一半乳豬，可惜青檸被充公。而依一隻芒果，亦係大家係成個旅程嘅第一隻鮮芒果。個關員姐姐見我地係咁食，仲攞咗支水俾我地，其實我地都係食咗好少啫，大家都好入戲。
係回程飛機上嘅合照：

是次旅程回畢，返到屋企成點幾囉，不過第二日都係放假，仲瞓到下晝三點幾。

宿霧之旅 Day 3

5/10/2008　(Sun)
晨早五點半出沙灘，見到一大堆船家係度，ranie亦都係度等緊我地。依架就係我地今日坐嘅船仔啦：

係追逐緊海豚嘅時候，架船無啦啦掉頭，原來另一隻船掉咗包煙俾ranie，隨即展開拯救大行動：

終於見到海豚啦，可惜部機唔靚，影得唔清楚：

其實成朝都落雨，仲有彩虹睇：

睇完海豚就去咗Balicasag Island浮潛，ｄ水真係好清同好多魚，下次一定要去dive。睇相：

刺中我隻腳嘅海膽：


浮潛leo：


兩隻用自己眼鏡先睇到嘢嘅小白兔：

依個係bonnie：

leo同阿釧：

一攞ｄ麵包出嚟真係好鬼多魚：

一張幾鍾意嘅相：

水底leo：

又想學人，點知扮外星人：

水底折射下放大咗嘅kawing：

浮潛完上船休息，出發去Virgin Island：

好有氣勢，留意佢條褲有中文字的，佢話條褲係香港買的：

少女bonnie：

徇眾要求而影嘅相：

四小花：

又一堆無聊相：


青春小花：

好恩愛呀：

CED同事合照：


我彈！

五大銅人，有咩出奇：


位置掉轉先勁：

好有feel的一張，係無夾過的：

人要佢要系列again，刮到紅晒：

恩愛系列２：

臨走，影返張全境：

海上旅程完畢，出海連5 sets mask & snorkel P$2000，同揸船嘅兩位影張相先：

話說又有人懶醒除低咗個mask，仲要應該跌咗落海底搵唔返。ranie佢唔要我地賠錢，反而要返個mask，去dive shop買又勁貴，唯有將我果個舊嘢俾醒目豬還俾人啦。
check-out咗放低d行李，三間房錢扣除咗10% online payment，再加5% off，total P$7169。其實佢計錯咗數的，不過算啦，跟住係lost horizon食lunch，halo-halo：

意粉兩個：


burger：

cheicken sandwiches：

午餐P$1995。由於我地無confirm尋日個司機，再打俾佢已經話無車，唯有係個tour centre call車，車費由原本嘅P$500變到P$650。去到碼頭要再俾terminal fee，P$11.25@。上到船放低行李，電視播MI 3，可惜到落船都未做完。睇地圖由碼頭行去圓環(Osem-a Circle)，大約20分鐘，中途經過聖嬰大教堂開完禮拜彌撒，條街勁多人。去到之前book好左嘅crown regency towers (US$65/room/night)，睇下我，件衫濕晒，慘：

房入面環境幾好，不錯：

放低嘢整頓咗一陣，其他人投晒降，得返我, vincent同spicy照原定計劃去lighthouse restaurant食晚飯，佢地唔去真係浪費。搭咗P$37.5的士過去，原來真係好鬼近。係酒店門口ｄ的士，你上車會security會俾張紙仔你，上門仲有埋司機名同車牌，同埋叫你睇錶俾錢，好鬼體貼～到達lighthouse囉：



入面都幾多人，都係兩位盲人liveband唱歌：

叫咗好多嘢食，但最先嚟嘅青檸汁，非常好味，但另人更肚餓：

好飲個bohol島果d嘅mango shake：

海鮮湯，連ｄ忌廉湯都非常有海鮮味：

炒飯普通啦，如果叫果ｄ餸要白飯仲好，最後飽到打包左半碟：

名堂yellow squash，原來係由蛋＋洋蒽＋椰子整成，連我唔食洋蒽都覺得好好味，撈飯一流：

炒雜菜，姐姐話ｄ醬超市應該有類似嘅，但係我搵唔到：

燒雞，係充滿肉汁嘅燒雞：

最期待嘅燒乳豬－Lechon，食完而家覺得香港嘅乳豬完全唔入流呀：

全相：

依餐好豪，三個人食咗P$2529.5，但非常飽，雖然係香港價錢，但好食過香港。食完飯行返去酒店，途經圓環嘅超群，再嚟halo-halo(P$87)：

跟住vincent就出咗圓環影下相，仲俾鬼佬撩，異地桃花：

行咗一陣落大雨，就打算買ｄ嘢俾放棄食飯嘅同伴，一個pizza餐(有pizza, 意粉, 小食同汽水)P$599。但鋪頭招牌係個特大pizza，個pizza真係有個盒咁大：

crown regency towers樓下嘅生果檔，因為落大雨，影咗幅相就走人囉。

其實間酒店幾好，唔貴，樓下即刻有starbucks同jollibee，行多三五分鐘去圓環又大把嘢食。
返到酒店kawing開餐啦：

用剩係公家錢：

臨瞓大合照：