傻禧的回顧

本來想開個旅遊BLOG，但淨係寫旅行又真係無咁多嘢寫，再加上尋晚爸媽去咗旅行，留低我同細佬係屋企對住四道牆，突然間感觸良多。
爸爸是公務員，媽媽是家庭主婦，自小都住在宿舍中，生活無憂，仲有個嬌生慣養的細佬。06年大學畢業，而家打份萬幾蚊嘅工，無乜負擔，計劃緊未來嘅旅遊大計。話說依排成日諗爸爸退休後要住邊，可能佢兩老真係將資源放晒係我同細佬身上啦，如果唔係而家可能係黃埔住嘅唔係宿舍，而係自己嘅物業啦，所以有個置業嘅諗頭。
好幸福，二十出頭已經有廿幾萬積蓄，都係以前辛勤工作嘅成果，買層細單位嘅舊樓都夠俾首期嘅。一路都對錢唔係好執著，身邊有位朋友，日日對住個股市發癲，但自問唔係咁嘅人，夠使就夠，但依排真係煩，買樓就泥足深陷，仲有一年先讀完書，加埋自己想留返錢去旅行(陣間會寫埋個旅遊大計)，究竟應該點，好煩惱，有冇人可以幫幫我？！