傻禧的人生: 宿霧之旅 Day 2

4/10/2008　(Sat)
尋晚臨瞓前再打俾Ret同佢confirm返時間，佢話九點鐘派車嚟接我地。咁咪八點半ready晒囉，臨走去買下佢d嘢食，買咗mango同honey chocolate spread(細樽)各一P$100@，一包lemon grass tea (P$130)同一樽honey chocolate俾彭小姐。買完再周圍影下相，我地三間房嘅鎖匙：

話說尋日有人懶醒咁將條鎖匙拆出嚟，以為好方便，點知唔鬼見左，夜晚返到去先知，幾驚無門口入呀。
office入面，依d唔係信箱，係入住每間房嘅單：

九點鐘個司機都未嚟，叫office幫我打俾佢(P$30)，點知個司點成九點半先嚟，令到原本計劃要變。臨走影返張大合照，中間綠色衫果個就係覆email嘅vicky啦：

首先落去lost horizon check-in先，藍色衫果個就係同我email聯絡嘅julie啦：

我地將會入住嘅房－modern standard：

原本我地諗住個ICM食個jollibee早餐先嘅，不過一嚟佢遲，我地又搞左一陣，司機就話十一點去到loboc river就食lunch buffet，無問題。去到買飛落船，P$300@，我地買左4號，嘢食幾好味，但就無椰青飲囉，見到人地有ｄ有。果度有間island souvenirs shop d Tee幾靚ga，無理由咁早買住周圍行啦：

碼頭：

我地幫襯嘅4號閘：

船上嘅嘢食，第一條魚都俾我地食晒囉，點夠分呀：

依ｄ好似外星生物嘅海草：

其他食物：

繼柬埔寨後，再次食到生嘅酸芒果，不過今次唔係配辣椒，而家配處理過嘅蝦米：

出發囉，其實成程無乜特別，有liveband唱歌，當遊下船河囉。但突然去到某岸邊屋仔就停低睇人唱歌跳舞，都幾好睇：

非常投入嘅vincent同阿釧：

少年舞王：

大合奏，我覺得幾好聽呀，好有mamma mia feel：

leo梗係成日去跳茶舞：

CED同事合照：

去到盡頭要，竟然會有當值救生員，有個鬼佬跳落水，佢地即刻跳返晒上艇仔：

兩位liveband哥哥(叔叔)：

跟住去傳說中嘅朱古力山，入場費P$25@：

點解朱古力山會特別唔同色呢，話說本來係珊瑚嚟嘅，因地殼變動而彈咗上嚟，下面嘅地有特別嘅營養，所以咪咁囉。講完書啦，睇返ｄ無聊相：

影咗咁耐，我最鍾意spicy果兩張：

點解？佢跳起個身都無郁過，好難度高ga...
下一站吊橋，其實都係落車影一影相啫：

終於都到戲肉所在啦，睇tarsier-眼鏡猴，用之前loboc river張reciept係可以免費入場的。食緊嘢嘅眼鏡猴：

BB眼鏡猴：

睇完本應去珊瑚教堂(Baclayon Church)，但因為係朱古力山同眼鏡猴果度玩得太耐，過咗五點教堂閂門，所以只係門口經過，但司機完全無提過，飛左站，直去Blood compact site，想係出面影張相都無。其實只係幾個銅像，後面個海景仲吸引：

sticky rice，搞到我地以為係飯囉，係咩就遲ｄ先開估：

P$1500嘅行程到此為止，司機原本諗住車我地返alona beach就算，但我地諗住去埋ICM同香滿樓食飯先，佢話加P$500，無問題。上車去ICM，ICM出面嘅巴士站，d巴士真係好鬼死靚，唔似得香港咁，剩係曉賣廣告：

其實只係六點幾，但一入到去就食去jollibee醫肚，叫咗個肉醬意粉(P$67)，好味：

跟住過咗隔離超群食咗個halo-halo(P$87)，好食過trudis place果個好多：

take away邊行邊食：

跟住入咗ICM唯一嘅supermakert- island city mall supermarket買乾糧同聽朝嘅早餐，入面大到呢：

收銀機唔係平時聽到嘅du du聲，而家星球大戰嘅'蕉蕉'聲，仲要好大聲，好搞笑：

俾錢果時都懷疑有冇計錯數，事關我地買咗兩pack麵包，十包果汁，一包曲奇，幾包朱古力同幾包飲品沖劑，都只係P$208.1，即係每人俾左五蚊港紙都唔夠。又見到有間island souvenirs，咪入去問佢cebu有冇分店囉，佢話SM City間分店最大，又唔洗咁早買住。買完嘢係門口撞返司機，原本約定嘅一個鐘都未到，早ｄ食飯大家好啦，跟住去咗好出名嘅香滿樓：