今次嘅旅程多得小亨，無佢今次就去唔成，仲咁平，係度再講聲唔該先！不過亦因為佢，而家好似中毒仲深咗，本來已經成日想去旅行，而家仲過分，返嚟係咁搵資料，等下次再有平機票就去davao / dumaguete / general santos / palawan。好啦，講返今個trip先，不過影咗好少相，唔好見怪。
今次係第二次搭5J 239，今次係零機票，連稅只係HK$377，比上次仲平，仲平過去澳門。2230去到機場check-in，超重都無理到。之後食機場必食-burger king就再meet咗clara一陣(佢飛首爾)就上機囉。0330度落機，今次個關員叔叔搞咗好耐，等埋班女仔唱埋錢都4點囉(兌5.4, 超貴！香港兌緊6.1)。一出機場已經見個司機等緊我地，行出路口就上咗架好新嘅16座，依個安排抵讚！
坐咗廿分鐘度就到Boyla Diving Resort ( http://www.boyladivingresort.net/pages )，乜都無理，瞓咗覺先。間嘢其實就係著名嘅Bluewater離，依間係我同阿勇間房(3號房)，一張大床同一張細床：
依間係阿雄同Samantha間房(2號房)，兩張都係大床：
兩間都係P$1700一晚包早餐。其實我地住咗三晚，食咗三個早餐，但只係計咗兩晚錢，圍返total HK$300。瞓到十點幾就出去食早餐，食早餐嘅地方，幾好feel：
對住嘅就係bluewater果沙灘：
其後會係度過咗一晚，點解？陣間就會講：
依幾日嘅早餐，有幾款，由以下的東西自由配搭啦：
食完早餐都十一點幾，行咗出去睇下
跟手搵埋今晚食飯嘅地方，Maribago Grill，跟住係對面store買咗支六公升水(P$120, share每人P$60)返去，同埋飲咗杯椰青水(P$12)。食完飯1230出船潛兩個dives(US$20 x 2)，去咗Talima Point同Sanctuary，入場費每人P$50，相機每部P$300，不過我無帶相機落水。總括嚟講，依個dive site無乜嘢睇，不去也罷，好彩無帶相機落去，早知去睇飛機好過。仲有小平同小亨開左支水，盛惠P$50，雖然同房個雪櫃果支一樣，但貴左一倍。之後當發現咗reception有水裝後，依班窮鬼亦都無買過水，到後尾船家亦都無再攞d水同汽水上船了。
潛完四點幾，返房抖咗一陣，睇下world baseball classic series就再嚟多個night dive(US$30)，依個dive去咗Agus Point，阿勇唔夜潛就係船上等我地。部相機借返嚟，同埋無支影相燈，d相影得唔係幾好。
入面有好多魚仔，但影唔到：
d刺成碌鉛筆咁粗嘅海膽：
有好多唔同嘅蟹，依隻係其中一隻：
DM又捉咗隻蟹，仲有佢似唔似一個人呢？！
無錯，就係達哥－吳孟達啦！
依隻影到爆光嘅都唔知係魚定蟹：
成個trip算影得正常嘅一張：
另一角度影多次：
睇生命海成日見到d刺有毒嘅肉食性魚類-簑鮋：
另一隻蟹：
寄居蟹：
返嚟睇相都唔知依張係乜，後尾睇真d先記得：
有兩隻蝦係入面呀！
又係蟹呀，咁多蟹，日頭又唔多見喎：
依隻一睇就知又係蟹啦：
簑鮋，近鏡影多張，等咗好耐都唔拎個正面過嚟：
好顯眼咁收埋自己嘅蟹：
潛完上水，由於阿勇無落水，同船家傾左陣，原來平時無人夜潛，我地都算異類。沖完涼就去咗今朝搵果間Maribago Grill度食飯，仲撞到兩個日本妹，可惜.....哈哈
d嘢食真係幾好味，燒豬肶，Rips，正，係境頭外仲有個garlic rice同fried rice：
依餐食咗二千幾披索，實質銀碼唔記得啦，總之大圍夾咗每人P$500，仲夠第二日食漢堡飽，雪糕，汽水，串燒同搭車食飯啦。跟住返房又睇baseball同英超，其實幾日嘅節目都係以baseball為主。
沖完涼十點就瞓咗啦，點知瞓到十一點幾十二點，瞓瞓下點解咁熱嘅，原來停電，跟住就開窗啦，咁就仆街啦，今次唔記得帶蚊香，d蚊多到呀，唔止痕仲有立體聲。過左一陣終於都頂唔順，出咗食早餐個露台瞓，開頭都幾舒服，有海風無乜蚊咬，後尾轉風隻腳勁痕，唯有轉咗去張沙灘椅度瞓。三點幾又覺得凍，返房著返件褸再瞓過。咁就瞓到第二朝囉。
No comments:
Post a Comment