宿霧潛水之旅 Day 2 & 3

8/3/2009 (Sun)
第二朝，因為要去睇長尾鯊，六點鐘要出發，五點半就要起身，瞓得勁少。依個dive(US$25)去咗Tingo Shark Point，第一次落水落錯咗位，等我，小亨同阿勇落咗水搞咗一輪，點知要上水再嚟過。DM達叔落到去，做手勢都凝造到個緊張氣氛，幾搞笑。可惜落到三十幾米乜都見唔到，第一次落咁深，要做deco，隻excel都幾易用。小亨同阿勇依個dive無氣，阿勇就啜阿達叔做deco，小亨就俾細DM一嚟就掟左上水，隔左一陣阿勇又俾人掟上水。我, 阿雄同samantha就三個自己搞掂，係就做完safety stop果時，阿達叔又落返嚟帶我地落個錨底果度，又要再做safety，到最後佢自己都無氣，自己上水先。
返上船就無嘢做，左起samantha, 阿雄, 本人同阿勇：

潛完返到去都係七點幾，大家嘅目標都一致，就係返房休息。依個時候先知道，原來lapu-lapu city依度經常都停電，DM話今日係星期日，為咗確保今日有電，會全個lapu-lapu停電，頂，你早講啦。返到去，冷氣已經好返，大家一瞓就十一點，食完個有飯嘅早餐，十二點半出發去Hilutungan Island(俗稱忘憂島)潛兩個dives(US$20 x 2)，入場費每人P$300，相機每部P$300。見佢收得咁貴入場費，所以都有帶相機落去。兩個都係wall dives，都幾靚，但多唔多嘢睇，真係唔多覺囉，浮潛就應該幾好玩嘅，淺水區好多細魚。
自拍照一張：

wall dive：

samantha攞咗達叔d麵包餵魚：

細魚就多：

佢收得好埋：

佢係一條都幾大條嘅石頭魚：

仲有條收埋自己嘅魚：


依條唔知叫乜名嘅喇叭魚：

留意下，有條細嘅醫生魚係佢身上呀：

成日見嘅海葵：

暫且叫佢海扇啦：

另一張自拍，係FB用緊個profile pic：

多謝小亨幫我偷拍嘅餵魚片，大家都可以試下用d沙嚟餵魚，聽得多但我都係第一次自己試：

成日覺得水底咁影上嚟好靚：

兩個dives中間無乜嘢做，曬下太陽瞓下覺同埋做以下無聊嘢：

我地咁跳：

阿wing同ellie就咁跳：

DM達叔嘅真面目，其實佢叫Ely：

另一位細DM，Apllold，佢幾鍾意搵嘢俾你睇，本身都幾玩得，幾好笑：

沖完涼洗完d gear都成四點幾，就出咗去bluewater門口間buy one take one嘅burger machine用尋晚夾嘅大圍數食漢堡飽，每個P$35，加芝士加P$8，同埋飲汽水同食雪糕，同時新一樣即叫即煎：

一人一個：

睇落都係時新好食ｄ：

無錯，頭先無講錯，係buy one take one：

又見到d幾靚嘅jeepnay：

食漢堡飽果時，有個叫romario嘅賓佬嚟兜搭阿勇，話帶我地去market就買海鮮，P$100一程，成交，六點半嚟boyla接我地。之後周圍行下，就行咗bluewater，望下boyla係點：

話說boyla d船都有成十一隻，有隻叫bmw，有隻叫benz，見佢仲擴建緊，剩係架十六座，加埋d車同d船，其實都幾大規模，只係無後備發電機。boyla其中一隻船：

六點半準時嚟接我地上車：

去完依間餐廳食飯，原來係mactan shrine隔離：

其實都幾遠，原本坐P$8，我地十個人，仲要果度得我地食飯，其實佢都唔係賺好多。成餐飯普通啦，得條東星比較正，其他d海鮮都唔新鮮，d虎蝦個頭仲要甩晒，bohol果d正好多，不過依度就識煮，啱香港人口味，唔係剩係識燒。阿勇話依d叫月亮蚌，係香港幾貴喎：

食完再係門口食左半打雞心同豬肉，P$10串：

食完行下d鋪頭，阿勇試咗杯無味雪糕，Ellie買結他，再係mactan shrine行咗個圈就搭車返去，連依個上次無去而又無乜特別嘅景點都去埋，下次嚟宿霧真係可以剩係潛水囉。

9/3/2009 (Mon)
依日其實無做過嘢，十點幾起身食早餐，一出門口撞到老闆boyla，話尋日有兩個香港人係shark point出事，做咗個剧頸嘅手勢，我問佢地點，佢話而家係醫院同差館，咁都好ｄ，繼續食早餐同曬gear。到十二點度落去check-out，老細俾咗份報紙我地，一睇，"2 Chinese die while diving in Olango"，仲要係paradive，咪即係老細果班，都當堂打咗個凸。係度希望死者家屬無事啦！
之後去咗dive shop買左件tee，俾我地講到P$270。夾咗d tips俾DM達叔，依班窮鬼每人俾P$100，阿達叔梗係黑面啦，雖然本身都黑。臨走影返張dive site圖：

跟住阿romario就車我地出返cebu city，先去咗間工藝廠之後就SM Mall (全程P$400)，其實佢帶我地咁食飯同去工藝廠，都唔知有冇佣抽，anyway我地都醒左P$200 tips佢。去到SM Mall例牌去gate 3寄存行李，跟住去咗foodcourt食午飯，我叫咗件T-bone跟飯(P$115)，一隻釀蟹蓋(P$40)，一碟魷魚圈(P$79)同依間自上次就愛上咗嘅thirsty芒果奶昔(P$42)：

食完三點幾，跟住行行百貨公司，買咗件生力Tee(P$399.5)俾自己，跟住就係重點超市瘋狂購物，買左P$1741.21，依度就係無預到買兩件tee就要碌卡啦，不過都成功打咗兩打鮮芒果返香港。行完都成六點囉，買咗隻燒雞(P$140)，半斤CNT乳豬(P$187.5)同兩條粟米(P$56)share，都幾飽，可惜無晒乳豬打包返香港。食完去攞返ｄ行李(共P$90)，係行李中心門口又有人兜搭我地，P$400去機場，成交。去到機場執返d行李，最後因為有人無帶gear share返，無超重。係機場度搞咗好耐，乜都無買到，無買雪糕。俾埋P$550 Terminal Fee就上機囉。今次比上次遲咗少少落機，一出離境大堂，勁多記者問係咪宿霧潛水返嚟，雖然一睇我地個樣同埋拖住個潛水喼就知係，但打死都話唔係啦。返到屋企搞埋d嘢三點幾囉，第二朝仲要返工，慘！

是次潛水之旅完畢，dumaguete / bohol / davao / general santos / palawan已計劃中，等下輪零機票，各位有興趣一齊可以話我聽！